Komin aftur í gírinn!

Jæja þá er maður að komast í gírinn eftir marga góða daga í Hrísey þar sem ekki var kveikt á tölvu, útvarpi eða sjónvarpi (nema strákarnir gláptu) Við hjónin hlustuðum á tónlist, fórum í langa góða göngutúra með stelpuskottið, lásum bækur og borðuðum góðan mat. Veðrið var dásamlegt og útsýnið yfir fjallahringinn mannbætandi. Ég heyrði reyndar af árás "hryðjuverkamanna" á kryddsíldina og gat ekki annað en glott yfir viðbrögðunum. Ekki það að skemmdarverk séu af hinu góða en viðbrögð manna hjá Stöð 2 voru yfirdrifin. Það er nú mín reynsla að fjölmiðlafólk er rosalega viðkvæmur hópur og tekur því afar illa ef á þá er ráðist en fylgist spennt með ef það fær að vera áhorfendur = mótmælendur/glæpamenn er oft sama fólkið það fer bara eftir því hver talar.

Athugasemdir

[petrea (IP-tala skráð) 7.1.2009 kl. 11:37]

Sorrý dúllan mín, ég gleymdi að óska þér og þínum gleðilegs árs. Og kæra fjölskylda,,,, takk fyrir öll gömlu góðu árin, fáum vonandi að hittast á þessu ári, eins og þeim fyrri. kv/frá reyðarf.

[Herdís Alberta Jónsdóttir, 8.1.2009 kl. 09:14]

Gleðilegt ár Peta og ég vona svo sannarlega að þetta nýja ár verði þér gott og gæfuríkt. Var ekki komin tími á að eitt barnanna líktist mér?

[Ásdís (IP-tala skráð) 20.1.2009 kl. 11:44]

Kæru krúsídúllur. Mínar bestu óskir á nýju ári. Rosalega finnst mér myndin af ykkur mæðgunum á jólunum flott. Það er eitthvað svo heillandi við ykkur á henni. Hérna megin er allt fínt. Bíð eftir að heyra í mömmu þinni um hvort ég eigi ekki að elda læri handa henni og Ólöfu í kvöld. Bestu kveðjur frá okkur í Kisukoti.

p.s. er ekki búin að gleyma heimboðinu í Hrísey