Flensa eða ekki flensa það er spurningin

Helgin er liðin og við Ebba og Veigar vorum frekar framlág framanaf. Kvefuð, geðvond og hálflasin. Fengum góða gesti á laugardaginn, Ásdís og Siggi komu í kvöldmat og voru fram á sunnudag. Ég hresstist öll við þann góða félagsskap og á mánudag fórum við í dagsferð út í Hrísey. Settum hreint á rúmin og ryksuguðum flugur..... Ebba fór út í sandkassa og skemmti sér konunglega svo nú er bara að hlakka til sumarsins. En nú á þriðjudegi er enn þónokkuð kvef í gangi og það virðist ætla að ganga illa að losna við þennan andskota. Hvaða læknadóp á ég nú að biðja um í apótekinu? Er eitthvað sem virkar annað en að leggjast í bælið í viku? Ég hef sko ekki tíma til þess núna, nebbnilega. Jæja fátt er svo með öllu illt, Ebba er búin að vera hálfstífluð í nokkra daga og mikið hefur dregið úr brjóstagjöfinni svo það verkefni virðist ætla að leysast af sjálfu sér.

 

Athugasemdir

[Hildur Þórisdóttir (IP-tala skráð) 13.5.2008 kl. 19:04]

Sæl elsku vinkona sætar voru þið mæðgur í mogga í dag FRÆGAR haha

jæja svo það á að láta lilluna hætta á brjósti gangi ykkur vel

kossar og knús

Hildur

[Anna Guðný , 13.5.2008 kl. 22:36]

Hundleiðinlegar þessar pestar. Sem betur fer hefur þeim fækkað hér síðustu ár.Fariði vel með ykkur.

[Anna Gísladóttir, 14.5.2008 kl. 00:53]

Við erum líka búin að fá okkar skerf af þessum pestum.  Vonandi batnar ykkur fljótt og vel.
Flott myndin af ykkur mæðgum í mogganum

[Harpa Björnsdóttir (IP-tala skráð) 14.5.2008 kl. 10:59]

Sammála, fín mynd af mæðgunum sem blasti við þegar ég fletti mogganum í gærkvöldi.

Vonandi náið þið að hrista þessa flensu af ykkur sem fyrst, sendi ykkur góða strauma að vestan.

Kv. Harpa

[Ásdís (IP-tala skráð) 19.5.2008 kl. 13:18]

Hey, af hverju missti ég, mynd í mogganum. Hvaða dag, verð að fá að sjá svona herlegheit.

Annars hefur afleggjari af pestinni ykkar laumað sér í farangurinn hjá okkur og svo réðst hann á mig sl. miðvikudag. Er aðeins að skána núna, er loks mætt í vinnu. En er samt ógeðslega slöpp.

Takk fyrir okkur, það var alveg yndislegt og rosa skemmtilegt að vera hjá ykkur.
Knús á línuna frá okkur.

[Herdís Alberta Jónsdóttir, 20.5.2008 kl. 11:17]

Æi, Ásdís það var nú ekki ætlunin að gefa þér afleggjara, við erum öll að hressast en það gengur alveg skelfilega hægt. Vona að þú verðir fljótt hressari.

[Herdís Alberta Jónsdóttir, 20.5.2008 kl. 11:18]

Já þetta með moggann, það hefur verið þann 13. held ég, á þriðjudegi eða kannski daginn eftir, mynd af okkur Ebbu á opnun myndlistarsýningar.... alltaf svo menningarlegar.....