Að segja fordómalaust frá raunveruleikanum!

Þetta er yfirskriftin á grein í 24 stundum á laugardaginn var.  Talað var við sænskan mann (fréttamann) um það hvernig fjölmiðlar hafa áhrif á umræðuna um innflytjendur.  Hann kom eiginlega orðum að því sem ég hef verið að reyna að tjá mig um stundum en ekki tekist alltaf sem best.  Innihaldið er í stuttu máli að blaðamenn verði að átta sig á hvenær þjóðerni skipti máli fyrir frétt og hvenær ekki. Að hægt sé að skrifa sömu frétt á marga vegu og að framsetning hennar hafi mjög mikið að segja og geti bæði hvatt til og dregið úr samlögun innflytjenda í samfélagi. Það kom fram að í siðareglum blaðamanna í Svíþjóð er ákvæði um að blaðamenn tiltaki ekki aldur, kyn, trú eða pólitískar skoðanir, þjóðerni eða kynþátt fólks nema það tengist efni fréttanna beint.

Áhugaverð  lítil grein og þörf umræða hér á landi líka, hver man ekki eftir umræðunni um utanbæjarmanninn..... eftir hverja helgi áratugum saman voru það utanbæjarmenn sem slógust og brutu af sér, allavega á Akureyri. Það stóð í Degi og ég ætti að vita það, að þar var ekki farið með fleipur.

Notum sólina og góða veðrið á meðan það varir.

Athugasemdir

[Ásdís (IP-tala skráð) 28.4.2008 kl. 11:50]

Hæ, hæ. Gleðilegt sumar.
Við hjónin verðum á ferðinni á norðurlandinu mjög fljótlega og vantar gistingu í eina nótt.

Veistu um einhvern góðan stað, hahhahha.

Verð í sambandi þegar dagsetningin verður klár.

Knús

[Herdís Alberta Jónsdóttir, 28.4.2008 kl. 14:36]

Flott, þið eruð velkomin, láttu mig vita svo ég geti kælt kampavínið, bakað og......

[Ásdís (IP-tala skráð) 29.4.2008 kl. 11:29]

Vil bara vara þig við, ef þú tekur of vel á móti okkur LOSNARU ALDREI VIÐ OKKUR!
En sennilega verður þessi ferð í kringum 9. maí. Ætlum að sæka bíl í Hörgárdalinn.

Já og til hamingju með systurdótturina. Vonandi tókst þú eitthvað af myndum og skellir þeim hér inn hið fysta.

Sjáumst!