Afmæli Ebbu

Á sunnudaginn varð Ebba Þórunn 1. árs. Það var að sjálfsögðu bakað í tilefni dagsins og litla stelpan fékk margar góðar gjafir, við þökkum kærlega fyrir okkur. Nú eru líka komnar inn nokkrar myndir úr páskafríinu, þær eru í albúmi hér til hliðar. Annars eru allir bara glaðir hjá okkur, lífið komið í fastar skorður eftir fríið og Ebba er að verða góð í handleggnum. Við fylgjumst svo með líðan Dísu ömmu í gegnum mömmu en væntanlega á gamla konan ekki mjög langt eftir, en hún fær góða umönnum á sjúkrahúsinu á Ísafirði og auðvitað er mamma hjá henni og sinnir henni vel nú sem endranær. 99 ár er langur tími og komið að leiðarlokum eftir mörg góð ár við góða heilsu.

Athugasemdir

[Anna Málfríður (IP-tala skráð) 3.4.2008 kl. 09:16]

Til hamingju með afmælið hennar stubbu litlu,  hún er sko heppin að eiga svona stóra bræður til að hjálpa sér að blása á afmæliskertin

[Ásdís (IP-tala skráð) 4.4.2008 kl. 15:30]

Æjjj, hvað þau eru sæt, börnin þín.
Knús á þau öll og ykkur gömlu líka

[Þórunn Björk (IP-tala skráð) 5.4.2008 kl. 02:20]

Til hamingju með afmælið nafna, ég verð eins árs 6. júní! Þá eigum við Atli frændi og Bubbi Morteins afmæli. Þú ert svo stór og flott stelpa. Við verðum nú að hittast og prakkarast dálítið hehe! Hefur þú nokkuð heyrt minnst á ættarmót? Alveg kominn tími á það fyrst við erum komnar í ættina :) Bestu kveðjur norður frá Hveragerði.

[Herdís Alberta Jónsdóttir, 7.4.2008 kl. 15:09]

Já litla frænka í Hveragerði, það væri svo sannarlega gaman að hitta þig og þið frænkur gætuð brallað eitthvað saman. Ég hef ekki heyrt talað um ættarmót en það er kannski komin tími á það aftur...