Þorra- Góugleði

Um helgina héldum við hjónin loksins hið árlega þorrablót vinahópsins hans Nonna, þeir félagar halda þetta til skiptis, og eru búnir að gera það í að minnsta kosti í 20 ár.  Það var reyndar Góugleði með þorramat og tókst bara vel, dálítið mikið af öllu.... en það vill fylgja. Börnin fóru um kaffileytið á laugardag til ömmu og afa og ég náði svo í Ebbu um kvöldið til þess að koma henni í rúmið. Litla skottan er ennþá á brjósti og ekki gott fyrir aðra að hlaupa í skarðið með það. Strákarnir hins vegar skemmtu sér hið besta hjá ömmu og afa og harðneituðu að koma heim þegar ég fór að sækja þá um hádegið daginn eftir. Veigar var með flakkarann með sér og þeir félagar og afi lögðust í mega sjónvarpsgláp og skemmtu sér vel. Tóku bara pásu til þess að baka pítsur á laugardagskvöldið. Afi og amma skiluðu svo drengjunum heim seinnipartinn á sunnudag.

Ég hins vegar stakk af og fór fram í Laugarborg á tónleika með Hjörleifi Valssyni og Tatu, þeir spiluðu á fíðlu og harmoniku og voru bara frábærir. Alveg framúrskarandi gaman að hlusta á menn spila sem hafa færni og spilagleði á heimsmælikvarða.

 

Athugasemdir

[Sigga fræ (IP-tala skráð) 4.3.2008 kl. 17:23]

Hæ frænka mín.

Við Jónas minn Albert erum einmitt að fara á kertaljósatónleika núna á eftir með  Herði Torfasyni, - þar spilar einmitt líka með honum Tatu á harmoniku.

N'u fer ég heim og elda grjónagraut og svíf síðan á tónleika.

Bestu kveðjur til allra.

Sigga fræ.

[Ásdís (IP-tala skráð) 5.3.2008 kl. 11:28]

Mikið eru þið menningarlegar frænkurnar.
Verð nú að koma því að, að ég get líka verið menningarleg, er að fara á blúshátíð með frænda/bróður ykkar og frænku/systur þann 18. mars.
Agalega spennó.
Knús á línuna